Lindt Sjokolades en visse in die see

Ek hoor die naweek hierdie 2 skerp waarhede (wyshede) by my studentekinders;
Daar is baie visse in die see, maar weet jy….daar is ook ‘n klomp GEMORS
Vir die wiskundiges: My Girlfriend is like the square root of -100….A solid 10, but also imaginary.

Die Bokke se verrassing was seer aangenaam. Ek sien nou sommer weer uit na die wereldbeker en natuurlik Saterdag se wedstryd. Ons het lekker goedjies vir die wedstryd se kaasbord: … Lees gerus verderLindt Sjokolades en visse in die see

Kookwater gaan groot op TV

Ek sukkel om daai trotse glimlag van my bakkies af te kry. Dis vandat ek verlede week daai advertensie van Kookwater Biltong en Kaas op die TV gesien het. Ja nee boeta, jy weet jy speel saam met die groot kinders as jou winkeltjie op TV begin adverteer. Miskien moet ek verduidelik… ‘n Nuwe TV reeks is verlede jaar by my skool – Hugenote Hoërskool op Wellington geskiet: Alles Malan. Doen jouself ‘n guns en kyk hoe ‘n netjiese PUIK skool lyk. Ek loop oor van trots, maar ek dwaal bietjie van die punt af. Die advertensie… In verlede week se episode het hulle ‘n toneel op die pawiljoen geskiet en daar verskyn Kookwater Biltong en Kaas se Advertensiebord toe sowaar op TV. Hoe’s daai?
Ons het hierdie week ‘n paar heerlike nuwe produkte en soos altyd is die pryse uitsondelik laag. Ek moet se ek verstaan nie hoe ons dit regkry om elke liewe week nuwe produkte te kry, maar sowaar – kyk bietjie hier: … Lees gerus verderKookwater gaan groot op TV

Posted on

Woelige Woensdag dinge

Dis heerlik nat. Alles is groen. Dis tye soos die wat die boer in elkeen van ons na vore kom. Plant iets gesond vir die kombuis soos ons blomkool- en ertjie– plantjies teen R8.50 vir 6 – of iets moois soos ons Grasangeliere = ook R8.50 vir 6. Die plantjies sal eers groente dra oor 2 maande of so, so terwyl jy nog nie groente het nie, sal ons dit vir jou gee teen ‘n belaglike lae prys: Eiervrug R4 elk – gewoon en exotic, murgpampoentjies, jalapeno rissies en baba skorsies teen R12.50 per kg. … Lees gerus verderWoelige Woensdag dinge

Posted on

Woelige Woensdag uit Prins Albert

Afstandsonderrig. Dis pragtig en rustig op my grootworddorp Prins Albert. Ek verstom my elke keer hoe ‘n bitter klein dorpie soos Prins Albert se mense so uiters kreatief kan wees. Dit lyk of die voorsitter van die Tuinklub se motto deur almal gevolg word: ” Dit sal net gebeur as iemand dit laat gebeur”. Ai, as almal in Suid Afrika tog net ophou kritiseer en agteroorsit en wag dat dinge vir hulle gedoen word, sal ons dorpe en land floreer. Ek was die naweek weereens verstom om te sien dat hier elke 6 maande ‘n ‘Open Studios’ naweek gehou word. 27 kunstenaars op die dorp (waar kom hulle almal vandaan?) maak hul ateljees – of garages oop sodat almal op die dorp en die hope toeriste persoonlike toere deur die studios kan kry. Enige ding onder die son. My mond het oopgehang – pragtig. Hierdie dorpie se mense is elke keer vir my ‘n inspirasie. … Lees gerus verderWoelige Woensdag uit Prins Albert

Mozzarella en flou verskonings

Dis einde van die maand, m.a.w die begin van ‘n nuwe maand. Die perfekte tyd om weer jou situasie in oënskou te neem. Is jy besig om te doen wat jy nog altyd wou doen? Doen jy nog jou beplanning of het jy al lankal verval in ‘n die groef van almal is teen my, ek sal tog nooit my vrot mikpunte behaal nie? Dis so maklik om jouself jammer te kry en verskonings te kry hoekom jy niks kan regkry nie. ‘Skuimkop’ in die Burger het dit (en die Proteas se situasie) so mooi opgesom. Hy se almal soek verskonings – soos sy Pa altyd gese het: “As die hond nie besig was om sy besigheid agter die bos te doen nie, het hy die haas gevang”. Hou op met die Martie Martelgat benadering en begin nou beplan aan die dinge wat jy nog altyd graag wou bereik. … Lees gerus verderMozzarella en flou verskonings

Posted on

Kookwater opkikkeridees

Voel jy dalk terneergedruk omdat jy, soos die uwe, tuis moet bly tydens die skoolvakansie? Daar is 3 maniere om na hierdie penarie te kyk: Jy kan bly wees, want daar is mense met wie dit slegter gaan as met jou. Die Protea krieketspan is ‘n goeie voorbeeld. Voor Saterdag se wedstryd het Skuimkop in die Burger hul situasie mooi opgesom met ‘n kombinasie van beeldspraak en spreekwoorde: Met een voet in die graf en die rug teen die muur, broek op die enkels en hande in die hare. Foeitog. … Lees gerus verderKookwater opkikkeridees

Posted on

Feesvieringe

Daar is soveel dinge om voor dankbaar te wees: My reenwatertenke is vol, Die grasperk is pragtig groen en DAAI KOOKWATER WINKEL IN NEWTON IS 1 JAAR OUD. Soos altyd, soek ons enige geleentheid om lekker fees te vier en 1 Jaartjie oud is rede genoeg. Natuurlik sal ons feesvier in albei winkels. ONS LAAT DIE PRYSE LEKKER LAAG SAK. … Lees gerus verderFeesvieringe

Bierbrood, Mieliebrood, Botter, Uie – alles

Dis lekker om aangename verrassings te kry. Ek is mal daaroor. Dit het 2 keer in die laaste week met my gebeur. Laat ek bietjie uitbrei. Ons maak elke oggend die stuk sypaadjie tussen die Diemersfontein robot en die Shoprite robot aan ons kant van die pad skoon van papiere. Die stuk bos op die robot by Diemersfontein het ‘n ongelooflike klomp rommel wat my al baie lank al pla. Groot was my verbasing toe hierdie stuk bos verlede Do/Vrydag pragtig skoongemaak word – dit lyk of een of ander politieke party dit gereel het. Baie dankie. Dis die soort goed wat my aandag trek, nie lee beloftes nie. … Lees gerus verderBierbrood, Mieliebrood, Botter, Uie – alles

Posted on