Die uwe gaan nie aftree nie. Ek sal dit nie oorleef nie. Een week vakansie is fantasties, maar dan begin ek kriewelrig raak. Eentonigheid moet verander. Dit gaan lekker by Kookwater, maar dit gaan mos altyd lekkerder as dinge gebeur. Kyk bietjie hierdie DRIEPUNTPLAN: … Lees gerus verderKookwater se nuwe planne, nuwe produkte
Elke ding het sy vaste tyd: Daar is ‘n tyd om gebore te word, ‘n tyd om te sterwe, ‘n tyd om te plant, ‘n tyd om plante uit te trek…. Lees gerus Prediker 3 in die Bybel om te sien waarvoor daar alles tyd is. Almal wat swaarkry, sukkel en deur moeilike tye gaan moet weer daaroor dink en dit gaan lees, want sien – daar is iets wat daar nie voor tyd is nie. DAAR IS NIE ‘N TYD VIR MOED OPGEE NIE. GEEN TYD VIR OPGEE NIE. Dit staan nie daar nie, maar elke dag is ‘n dag vir planne maak, weer probeer, SKARREL en voortbeur. Kyk bietjie vandag weg van die probleme en beplan ‘n lekker dag:
” TODAY IS A GOOD DAY FOR A GOOD DAY” … Lees gerus verderDaar is ‘n tyd vir groei, voorspoed, geld spaar, maar…
WAT IS ‘N HUIS SONDER ‘N MOEDER? Die moeders van die volk verdien om bederf te word. Die probleem is dat nie alle moeders dieselfde is nie. Kookwater het ‘n geskenk vir elke moeder.
Mag die moeders lekker uitrus en lekker bederf word. Baie dankie vir alles wat julle vir ons doen. … Lees gerus verderKOOKWATER BEDERF MOEDERS
15 jaar gelede het die eerste Kookwater winkel oopgemaak met 4 tipes produkte: Biltong, Droewors, Cheddar en Gouda. Die winkelspasie was ongeveer 5 vierkante meter. Nadat die yskas, kerwer, toonbank en biltonguitstalkaste ingesit was, was daar 2 vierkante meter oor vir die klante. Hierdie klein spasie het R100 000 gekos om toe te rus. (sonder voorraad). Ons winsgrens op kaas was 5%. Ek het geweet dat dit nie volhoubaar was nie, maar ons moes naam maak. Ons biltong en kaas was verreweg die goedkoopste op die dorp. Op ‘n Saterdag het die mense in die gangetjie af op die sypaadjie uitgestaan. Ons was geseend. Ons het gegroei. Ons het nie ophou planne maak nie. Vandag het Kookwater meer as 200 verskillende produkte op die rakke en ons mikpunt is om dit nog verder uit te brei. … Lees gerus verderVernuwe, brei uit, moenie ophou planne maak nie
Jy is mos nou lekker uitgerus na die langnaweek. So ‘n ruskans maak my weer vol nuwe planne en idees. Deur al die jare het daar al vreeeslik baie mense my gekontak en gese hulle wil so graag ‘n winkel soos Kookwater in hulle dorp oopmaak. Watter raad kan ek gee? Wat moet hulle doen? Wat is die belangrikste ding? Sal hulle dit kan bekostig? Sal dit werk? Waar gaan hulle ‘n winkelperseel kry? Hierdie vrae is soos stres en bekommernis. As jy heeltyd daarop broei, oortuig jy jouself sommer gou dat jou planne laf is, die ekonomie is op die afdraende pad, die land is in sy peetjie. Jou planne sal nie werk nie… … Lees gerus verderUitgerus – Tyd vir planne maak
Die kar is al gepak. Die sleepwaentjie en karavaan moet nog net gehaak word. Die laaste dinge moet nog net by Kookwater gekry word. Dis die fyn beplanning wat die naweek ‘n sukses maak. Ja ek weet jy kan R60 vir ‘n pakkie beskuit betaal, maar ek sit lekkerder agteroor en glimlag breeer as ek weet dieselfde beskuit het ek opgeraap by Kookwater teen 3 pakke vir R45. (Ek het gister weer 1000 pakke vars voorraad ingekry) Moenie dat ander jou vermaak met hul vakansieplanne nie. As jy tuisrus – Kookwater is Vrydag, Saterdag en Maandag oop van 8 tot 5, sodat jy vir ‘n slag ‘n lekker uitstappie kan maak en lekker rustig jou inkopies kan kom doen. … Lees gerus verderLAAAANGNAWEEKPLANNE en Kieriekortings
Ek onthou nog die jare toe ek skoolgegaan en -gegee het. Mense wat nie in die onderwys is nie, weet nie van die TRAUMA om 4 keer per jaar terug te keer werk toe na ‘n vakansie nie. Ek het (met ondervinding) baie simpatie met die kinders, die onderwysers en die ouers. Dis om hierdie rede wat die OU verstaan hoeveel troos ‘n lekker kosblik kan bring. My ou vroutjie verstaan dit ook en ek moet se sy doen goed met die kosblikke vir die OOM. As jy nie so ‘n spontane kosblikmaker is soos my soetliefie nie, help ons graag met ‘n klomp idees: … Lees gerus verderTERUG SKOOL TOE, VEGAN worsies en Maalvleis
Moenie dat enigiets jou weghou van Kookwater se goeie pryse nie. Bring ‘n spaarwiel net vir ingeval … Lees gerus verderSpaarwiele, daai B……. Kaas en heerlike BESKUIT
Ons boomprojek het groot vordering gemaak met ‘n skenking van verskeie Pekanneutboompies deur Bernus en Annerita van der Westhuizen. Hulle het ‘n paar pekanneutbome op die plaas en ‘n groot aantal klein boompies wat jaarliks opkom as gevolg van die neute wat val en ontkiem. Hulle sit die boompies in sakke en maak dit vir ons groot. … Lees gerus verderOns boomprojek het groot vordering gemaak
BOME IS VEELSYDIG, VEELDOELIG EN VEELS TE MOOI OM SONDER KLAAR TE KOM. Jy kan jou boom plant, snoei, oes, rook en in sy skaduwee sit. As die dag breek oor ons mooi dorp kry die blou berge eerste kleur en dan die groen van ons dorp. Wanneer laas het ek ‘n boom geplant en my deel bygedra om ons dorp se groen aan te vul? … Lees gerus verderBOME en KOFFIE EN BESKUIT