‘n Aangename herinnering uit my jeug het vanoggend in die stort by my opgekom. Daai kosblik wat my ma vir my ingepak het in Sub A in die somer in Prins Albert. In daai klein bruin skooltassie was daar nie veel boeke nie. Wel ‘n gevriesde reghoekige plastiekbottel – Rooi aanmaak koeldrank – kliphard gevries – toegedraai in ‘n lappie en binne ‘n plastieksakkie binne ‘n tupperware bakkie sodat die res van die tas nie kan nat word nie. Dis hoe ons die somer getem het in Prins Albert. Hemel op aarde as jy daai koeligheid pouse uithaal. Wat het my aan daai kosblikke van honderde jare gelede laat dink? Die oulike 200ml botteltjies Cederberg gegeurde water wat ons nou in die winkel het. R3 per botteltjie of R15 vir 6. Vir die groter kinders is daar 500ml Naartjie, ‘Passion Fruit’ en Litchi vir R4.50 of R4 elk grootmaatprys (koop 24). Die 1 liter dorslessers kos net R7.50 of R36 vir 6 – Litchi, Naartjie en Tonic Water. Ons gewone 500ml ‘Still’ en ‘Sparkling’ waters kos ook net R4.50 en R4 elk as jy 24 koop. 5 liter water vir R15. Soos dit ‘n goeie verkoopsman betaam, het ek hierdie produkte darem eers self uitgetoets. Dis iets besonders – Cederberg weet hoe om lekker water te geur.
